Webcams
Buscar
La tresformación futura del conceyu pasa por proyectos como’l Plan de Víes o la Milla del Conocimientu
El destín quixo qu’una tribu dedicada a la metalurxa, los cilúrnigos, fuere la primera en poblar lo que güei conocemos como Xixón. Noega foi’l nome del asentamientu que fundaron en L’Atalaya. Dende’l sieglu I, el castru ye romanizáu y tiempu dempués abandonáu. Gigia, ciudá romana nacida a los pies de L’Atalaya toma’l testigu.
Una historia que cola llegada de la Edá Media presenta dalgunes lluces y munches solombres al respective de la so historia. Ye bien conocida la breve presencia de los musulmanes na ciudá o la concesión nel sieglu XIII de la so Carta Puebla. Pero Xixón nun vuelve a ocupar un papel relevante hasta que’l so cai entama a cobrar importancia. Habrá qu’esperar hasta’l sieglu XVIII pa que naza’l so vecín más renomáu.
Cola llegada del sieglu XIX la xera agrícola, ganadera y pesquera pierden pesu a manes d’un nuevu fenómenu económicu: la industrialización.
La xera industrial siguirá marcando’l pasu del conceyu. De mano cola industrialización na zona oeste de Xixón, y yá a mediaos del sieglu pasáu, cola llegada d’Uninsa.
Anguaño Xixón ta nun períodu de tresformación nel que proyectos como’l Plan de Víes o’l nuevu modelu empresarial que representa la Milla del Conocimientu tendrán un papel clave nel so desendolcu futuru.
